Misteri i vajzës së mitur nga Gjilani që u zhduk plot 4 ditë

misteri-i-vajzes-se-mitur-nga-gjilani-qe-u-zhduk-plot-4-dite

Mbrëmë është gjetur një e mitur në rrugën “Vëllezërit Maliqi” në Gjilan, e cila ishte zhdukur para katër ditësh.

Burime të Gazetës Sinjali bëjnë të ditur se e mitura është dërguar në Qendrën për Punë Sociale, ku është intervistuar.

Sipas të njëjtave burime, e mitura kishte deklaruar se gjatë këtyre ditëve kishte qëndruar te shtëpia e një shoqes si dhe te një shtëpi e pabanuar në qytet.

Ndërkaq, sipas mjekut kujdestar në Emergjencën e Spitalit Rajonal në Gjilan, gjendja shëndetësore e të miturës është e mirë dhe vërehen disa shenja dhune apo lëndimi. E mitura i është kthyer familjes.

Në lidhje me rastin është njoftuar Prokurori i Shtetit, i cili ka urdhëruar që në mungesë të elementeve të veprës penale, rasti të mbyllet me proces të veçantë.