Eksperti amerikan: Kosovarët ishin viktimë e gjenocidit, në SHBA duhej njohje reciproke

eksperti-amerikan:-kosovaret-ishin-viktime-e-gjenocidit,-ne-shba-duhej-njohje-reciproke

Me anë të një postimi në Facebook, Ben Meir ka thënë se është i zhgënjyer nga marrëveshja në fjalë, dhe njëra ndër arsyet është mos-diskutimi për njohjen reciproke, shkruan Rahovecnews.net.

“Jam i zhgënjyer që më në marrëveshjen e 4 shtatorit mes Kosovës dhe Serbisë s’është diskutuar njohja reciproke mes dy vendeve. Marrëveshjet ekonomike, edhe pse pozitive në disa aspekte, është dashur të bëhën në kuadër të pajtimit përfundimtar që duhet të çonte në njohje të Kosovës si shtet i pavarur nga Serbia”, ka thënë ai.

Sipas tij, rritja ekonomike dhe tregtare e dy vendeve është gjë e mirë, por është larg dinamikës së vërtetë të konfliktit, në të cilin kosovarët ishin viktima të gjenocidit.

“Rritja ekonomike dhe shkëmbimi tregtar mes dy veneve është gjë e mirë, por është larg ndryshimit të dinamikës së konfliktit që është nguliturë në psikikën e kosovarëve të cilët ishin viktima të gjenocidit dhe shkeljeve të rënda të të drejtave të njeriut në luftën me Serbinë”, ka shkruar ai. /Rahovecnews.net/