Situata me Koronavirus, Valbon Krasniqi ka një thirrje: Gjenda është rënduar

situata-me-koronavirus,-valbon-krasniqi-ka-nje-thirrje:-gjenda-eshte-renduar

Infektologu Valbon Krasniqi, ka thënë se gjendja në Klinikën Infektive është rënduar pas rritjes së numrit të rasteve të reja me koronavirus në vend.

“Gjendja në Klinikën Infektive është rënduar shumë këto dy javët e fundit me rritjen e numrit të rasteve të reja të infektuara në nivel të vendit është shtuar edhe numri i pacientëve të shtruar të cilët kanë kërkuar tretman spitalor”, ka thënë Krasniqi.

Ai shpjegon se pesë pacientë janë në gjendje kritike.

“Sot gjatë ditës kemi pasur 90 pacientë të shtrirë në Klinikën Infektive të konfirmuar me Covid-19 dhe numri mund të ketë shkuar edhe më shumë pas publikimit të rezultateve që i patëm në mbrëmje pasi një numër i tyre ka qenë në klinikë. Mbi 40 pacientë janë në oksigjenoterapi ndërkohë që reparti intensiv pothuajse është i mbushur me kapacitete të plota. Kemi gjashtë pacientë në Intensivë, pesë prej të cilëve janë në gjendje kritike”, tha ai.

Krasniqi theksoi se duhet të kontrollohet lëvizja e të infektuarve dhe familjarëve të tyre në mënyrë rigoroze.

“Duhet në mënyrë rigoroze të kontrollohet lëvizja e personave Covid-19 pozitiv.Duhet të monitorohet dhe kontrollohet lëvizja e tyre. Nuk jemi për t’i mbyllur qytetarët por familjarët e të prekurve nuk duhet lejuar të lëvizin lirshëm’, ka shtuar Krasniqi në Rtv Dukagjini.

Deri më sot në Kosovë janë regjistruar 2.216 raste me koronavirus, 1069 janë shëruar ndërsa 37 kanë vdekur.

The post Situata me Koronavirus, Valbon Krasniqi ka një thirrje: Gjenda është rënduar appeared first on Lajmet e Fundit – RahovecNews.