Vetëvendosje publikon fotografi të tubimit, del në pah mos-respektimi i distancës sociale

vetevendosje-publikon-fotografi-te-tubimit,-del-ne-pah-mos-respektimi-i-distances-sociale

Në publikimin e tyre thuhet se qytetarët po kërkojnë zgjedhje sepse duan edhe një qeveri Kurti, shkruan Rahovecnews.net.

Më tutje, ata thonë se rezistenca dhe përkushtimi i Vetëvendosjes ka sjellë fryte që është përkthyer në besimin e popullit për këtë Lëvizje.

“Aktivistët dhe qytetarët duan zgjedhje dhe janë gati për to, sepse aktivistët dhe qytetarët duan një tjetër Qeveri Kurti, një qeveri popullore të shumicës, një qeveri të shpejt të Lëvizjes dhe një qeveri të mirë siç e meriton Kosova.”, thuhet në këtë publikim.

Ky është postimi i LVV-së:

Mijëra qytetarë, aktivistë dhe anëtarë u mblodhën në festimin e 21 vjetorit të çlirimit të vendit dhe 15 vjetorit të themelimit të Lëvizjes VETËVENDOSJE!.

Në mesin e tyre, folën deputetët Liburn Aliu dhe Saranda Bogujevci, aktivistja Aulonë Bytyçi dhe Drejtori i Qendrës së Lëvizjes në Shqipëri Boiken Abazi, ish-ministrat e Qeverisë Kurti, Albulena Haxhiu dhe Arben Vitia, dhe në fjalën e fundit Kryetari Albin Kurti.

Në tubimin festues nuk munguan fjalët që kujtojnë angazhimin dhe sakrificën e aktivistëve, aktivitetet dhe rezistencën e Lëvizjes dhe punët e mira të Qeverisë Kurti. Tashmë ekziston një dëshirë e zjarrtë dhe një entuziasëm i madh për ta parë Lëvizjen në Qeverisje, për ta parë forcë të parë përballë bashkimit të kotësisë dhe antidemokracisë kundër saj.

Në tubim nuk munguan as këngët e grupit Troja përmes anëtarit të bandës Bujar Berisha, këngët që kanë përshkuar ndër vite tubimet dhe protestat e Lëvizjes.

Rezistenca dhe përkushtimi i sinqertë dhe i pakompromis i Lëvizjes ndër vite i ka sjellur frytet e veta me besimin e madh të popullit për të. 100 ditët e Qeverisë Kurti kanë ngjisur entuziasmin se po, një qeverisje e mirë është e mundur. Këto janë të vërteta të pakthyeshme.

Në fjalën e tij, mes ngazëllimit të të pranishëmve me plot dashuri për vendin dhe Lëvizjen, Kryetari Kurti tha se, “këtë vit dhe vitin që vjen neve do të na ngelet i gjithë pushteti në duart tona, pushteti qendror këtu, por edhe ai lokal nëpër komuna. Kjo do të na gëzojë shumë, por duhet edhe të na brengosë për punët e shumta dhe përgjegjësinë e madhe që do ta kemi. Bëhuni gati për pushtetin. Do të ikë kjo Qeveria Koti, e ne nuk kemi kohë për të humbur, nuk kemi kohë koti”.

Aktivistët dhe qytetarët duan zgjedhje dhe janë gati për to, sepse aktivistët dhe qytetarët duan një tjetër Qeveri Kurti, një qeveri popullore të shumicës, një qeveri të shpejt të Lëvizjes dhe një qeveri të mirë siç e meriton Kosova. /Rahovecnews.net/