Lushtaku, PDK: Njeriu i afërt i Kurtit zbuloi negociatat e fshehta për “Korridorin e Gjelbërt” me Serbinë

lushtaku,-pdk:-njeriu-i-afert-i-kurtit-zbuloi-negociatat-e-fshehta-per-“korridorin-e-gjelbert”-me-serbine

Pasi e ka pranuar se është takuar me Shefin e Zyrës Ndërlidhëse të Serbisë, Dalipi ka thënë se kjo ka ndodhur për shkak të pandemisë, ndërsa Lushtaku thotë se ky takim nuk u bë transparent më herët, shkruan Rahovecnews.net.

“Edhe me skandaloze se takimi i tij është përmendja e “Korridorit të Gjelbërt” që përbën një vazhdimësi të idesë së ish Ministrit të Kurtit, z. Blerim Reka, për t’i ofruar Serbisë dalje në detin Adriatik.”, shkruan Lushtaku.

Ky është postimi i tij i plotë:

Unë si përfaqësues i popullit, asnjëherë nuk e helmoj opinionin publik me gënjeshtra, përkundrazi çdo herë kujdesem t’i demaskoj ata të cilët nuk punojnë në të mirë të vendit dhe çdo herë bazohem në informata të sakta.

Shefi i kabinetit të ish Kryeministrit Kurti në përgjigjen e tij rreth deklaratave të mija të bëra sot në Kuvendin e Republikës së Kosovës, e paska pranuar atë që thashë unë, vetëm se qenka munduar që ta relativizoj si një “ngjarje normale”.

Atëherë, kush gënjeu këtu? Ose më mirë të themi, kush paska fshehur? Pse ky takim nuk u bë transparent më herët?

Kot, nuk mund të luash heroin e të fshihesh pas pandemisë, ndërkohë që i bën nder Serbisë!

Edhe me skandaloze se takimi i tij është përmendja e “Korridorit të Gjelbërt” që përbën një vazhdimësi të idesë së ish Ministrit të Kurtit, z. Blerim Reka, për t’i ofruar Serbisë dalje në detin Adriatik.

A është ky kompromisi i z. Kurtit për marrëveshjen e fshehtë me Serbinë dhe premtimi i tij ndaj Lajçakut? /Rahovecnews.net/ 

Shefi i stafit të Kurtit e pranon që e ka takuar përfaqësuesin e Zyrës Ndërlidhëse të Serbisë