Thaçi reagon pas votimit të qeverisë: Ditë e rëndësishme për demokracinë

thaci-reagon-pas-votimit-te-qeverise:-dite-e-rendesishme-per-demokracine

Me anë të një postimi në Facebook,  Thaçi ka përgëzuar deputetët e Kuvendit të Kosovës për votimin e qeverisë së re, shkruan Rahovecnews.net.

Sipas Thaçit, kjo është një ditë e rëndësishme për demokracinë dhe qytetarët e vendit.

Postimi i plotë:

I përgëzoj deputetët e Kuvendit të Republikës së Kosovës për votimin e Qeverisë së re. Kjo është një ditë e rëndësishme për demokracinë tonë dhe për qytetarët e vendit. Qeverisë së re i uroj sukses në përmbushjen e programit qeverisës dhe i ofroj bashkëpunim të plotë në jetësimin e agjendës kombëtare dhe ndërkombëtare.

Me bashkëpunim dhe koordinim ndërinstitucional mund ta rimëkëmbim ekonominë tonë dhe të lëvizim me hapa më të shpejtë drejt integrimit euroatlantik, duke e fuqizuar partneritetin me SHBA-në dhe me të gjitha shtetet mike. /Rahovecnews.net/