Për herë të parë nga marsi, sot zero raste me COVID-19

Sot nga IKSHP u realizuan 138 testime të qytetarëve, të gjithë negativë për coronavirus.

Ministri i Shëndetësisë, Arben Vitia ka lajmëruar lidhur me këto rezultate.

Për herë të parë nga marsi, sot në Kosovë pati zero rasti të identifikuara me COVID-19.

Sot nga IKSHP u realizuan 138 testime të qytetarëve, të gjithë negativë për coronavirus.

Ministri i Shëndetësisë, Arben Vitia ka lajmëruar lidhur me këto rezultate.

“Forca e madhe e vullnetit tuaj vajza e djem, burra e gra, mjeke e mjekë, infermiere e infermierë, policë e police, inspektore e inspektorë, e bëri të mundur këtë rezultat”, tha ai.

Më poshtë gjeni postimin e plotë të Vitisë:

Kordinimi me Kryetarët e Komunave dhe degëve të Institutit e laboratorit, përkushtimi i vullnetarëve dhe vigjilenca e Klinikës infektive në trajtimin e rasteve e vendos Republikën e Kosovës në një situatë shpresëdhënëse përballë virusit.

Si në të gjitha vendet, edhe ne jemi futur në një normalitet të ri me të cilin duhet të mësohemi.

Distanca fizike, përdorimi i maskave, shmangja e tubimeve, janë të domosdoshme që ta fitojmë këtë betejë.
Çdo shkujdesje, shpërqendrim apo relaksim dhe kthim në zakonet si para virusit mund të na kushton, madje edhe rëndë.

Në anën tjetër për këta muaj, përmes fondeve të Qeverisë, ndihmës nga miqtë tanë, disporës e shumë organizatave kemi siguruar dhe po sigurojmë mjete të mjaftueshme dhe të domosdoshme për mbrojtje dhe rritje të kapaciteteve tona.

Vepruam bashkë dhe po fitojmë bashkë.

Të vazhdojmë të kujdesemi bashkë.