Bekim Kabashi për protestat: Grumbullimi i njerëzve në masë të madhe rrezikon përhapjen e koronavirusit

bekim-kabashi-per-protestat:-grumbullimi-i-njerezve-ne-mase-te-madhe-rrezikon-perhapjen-e-koronavirusit

Parapërgatitjet për protesta u organizuan nga shoqëria civile dhe u mbështetën edhe nga një pjesë e aktivistëve të Lëvizjes Vetëvendosje.

Bekim Kabashi nga Reporteri vlerëson se këto protesta janë e drejtë fundamentale e qytetarëve.

Sipas tij, megjithatë ‘provat për protesta nuk do të duhej të mbaheshin në kohë pandemie.

“E drejtë fundamentale është e drejta e protestës dhe ajo mund të ndalohet vetëm në gjendje të jashtëzakonshme që në të cilën nuk jemi, nuk jemi së paku zyrtarisht”.

“Nëse njerëzit grumbullohen në masë të madhe, rrezikohet përveç atyre që marrin pjesë të infektohen edhe njerëzit e tjerë me Covid 19 dhe rrjedhimisht të përhapet virusi”.

“Protesta është nevojshme por në këtë situatë do të duhej të përshtatej, të pritej një gjendje tjetër dhe jo të lejohej të mbahej në këtë kohë. Aktivistët e shoqërisë civile do të duhej të angazhoheshin për të ngjallur një debat që a janë të duhura masat e shtrëngimit që janë duke vazhduar. Nëse jo do të duhet të avokohej për çlirimin e tyre”.

Kabashi në Info Magazine në Klan Kosova, ka theksuar që nëse prova shndërrohet në protestë, sipas tij do të mund të eskalonte.

“Në të gjitha tubimet pa marrë parasysh protestë apo festë, më pak e kontrollueshmja është protesta. Dje ishte vetëm një provë por edhe ajoishte e rrezikshme sepse kishte numër të madh të njerëzve”.