Stafi i Shtëpisë së Bardhë urdhërohet të vendosë maska

stafi-i-shtepise-se-bardhe-urdherohet-te-vendose-maska

Stafi i Shtëpisë së Bardhë u urdhërua të vendosë maska në fytyrë, pasi dy pjesëtarë të tij dolën pozitivë në testet për koronavirus.

Zyra e personelit të Shtëpisë së Bardhë tha se stafi duhet të mbulojë fytyrën në çdo kohë, përveç kur është ulur në tavolinë apo në distancë të mjaftueshme fizike.

Presidenti Donald Trump tha se e ka kërkuar këtë politikë.

Megjithatë, ai u paraqit pa maskë në konferencë për media, por tha se ndodhet “larg secilit”.

“Kemi qindra njerëz që hyjnë në Shtëpinë e Bardhë çdo ditë. Mendoj se jemi duke bërë një punë të mirë në frenimin e koronavirusit”, tha Trump, transmeton rel.

Urdhri i ri për maska vjen pasi një ndihmës i nënpresidentit Mike Pence dhe një shërbëtor i presidentit Trump janë infektuar.

Shtetet e Bashkuara kanë numrin më të madh të të prekurve dhe viktimave me koronavirus.

Mbi 1.3 milion njerëz atje janë infektuar dhe mbi 80,000 kanë humbur jetën.

The post Stafi i Shtëpisë së Bardhë urdhërohet të vendosë maska appeared first on Rahovecnews.net.