Personi që mblodhi në Pejë rreth 30 qytetarë në iftar, ku ndërhyri policia, është zyrtar i LDK-së

personi-qe-mblodhi-ne-peje-rreth-30-qytetare-ne-iftar,-ku-nderhyri-policia,-eshte-zyrtar-i-ldk-se

Kjo pasi aty po organizohej një iftar me rreth 30 persona, kjo kundër rekomandimeve të Institutit Kombëtar të Shëndetësisë Publike dhe duke rrezikuar përhapje masive të koronavirusit.

Indeksonline mëson se organizator i kësaj mbledhije ishte Durim Seremeti, zyrtar i LDK-së dhe ish-shef i kabinetit të kryetarit të Pejës, Gazmend Muhaxherit.

Shtëpia e Sheremetit, ku ka ndodhur Iftari masiv, ndodhët në përskaj tranzitit që lidh magjistralet Pejë-Gjakovë me atë Pejë-Prishtinë, rruga ‘Asllan Pushka’.

Lajmin e ka konfirmuar edhe zv.drejtori i Policisë Rajonale të Pejës, Veton Elshani, ku me të marrë informacionin, njësitet relevante kanë intervenuar duke shpërndarë të pranishmit.

‘Policia ka ndërhyrë në një shtëpi, pasiqë ka marrë informacion se aty janë tubuar një masë e madhe personash të ftuar në një Iftar. Nikoqir ka qenë një ish-zyrtar komunal i Pejës. Në momentin e ndërhyrjes kemi hasur në rreth 20 persona, familjarë e miq të ftuar, në lagjen ‘Dardania’ i bie aty. Të tjerët siç duket e kanë kryer ceremoninë e ushqimit dhe janë shpërndarë. Ne e kemi bërë detyrën, i kemi shpërndarë me vërejtjen verbale. Kjo është e rrezikshme, dhe kjo nuk do tolerohet në këtë kohë kur vet institucionet si qendrore edhe lokale bëjnë thirrje që të respektohen rekomandimet dhe vendimet e Ministrisë së Shëndetit”,deklaroi zv/Drejtori Elshani.

Tutje Elshani ka thënë se Policia do të jetë e pandalshme dhe e pamëshirshme ndaj dukurive që rrezikojnë jetën e qytetarit, në këtë kohë kur bota po lufton me virusin e panjohur.

“Ne nuk e kemi ndërmend me u ndal kushdo qofshin këta njerëz, ish-zyrtar, ose zyrtar ose kushdo. E kemi me rëndësi jetën e qytetarëve e me veprime të tilla, pra si ky rast, pa nevojë po rrezikohet edhe shëndeti dhe jeta e policit. Duhet ti ruajmë njerëzit tonë”, tha Elshani.

Shtëpia e këtij ish-zyrtari, ku ka ndodhur Iftari masiv, ndodhët në përskaj tranzitit që lidh magjistralet Pejë-Gjakovë me atë Pejë-Prishtinë, rruga ‘Asllan Pushka’.