Ndahet nga jeta Shahindere Bërlajolli-Stafaj

ndahet-nga-jeta-shahindere-berlajolli-stafaj

Ka ndërruar jetë këngëtarja e mirënjohur shqiptare.

Mëngjesin e sotëm u nda nga jeta këngëtarja e mirënjohur shaiptare, Shahindere Bërlajolli-Stafaj.

Lajmin e hidhur e ka ndarë me ndjekësit në Facebook Besiana Mehmeti.

“Sot na la një prej zërave më origjinal të këngës shqipe Shahindere Bërlajolli- Stafaj e cila në çdo paraqitje reflektonte civilizim dhe kulturë. Nga Peja dhe familja e njohur Bërlajolli, në Gostivar për të mbetur gjithnjë energjike, kërkuese, motivuese. Pas jetesës dhe sukseseve në Prishtinë, ajo në mes dy dashurive zgjodhi vendlindjen e bashkëshortit- muzicientit të mrekullueshëm me kujtimin e të cilit u shoqërua në dekadën e fundit! Megjithë sfidat e jetës ajo në çdo bisedë reflektonte aq shumë pozitivitet, dashuri dhe krenari!Ngushëllime familjes Stafaj! Alban, Astrit dhe Ardit të jeni krenarë që mbartni traditën e një ikone të pakopjueshme dhe unike!
Muzika shqiptare sot është në zi, por kënga e pastër shqipe që kultivoi do jehojë kurdoherë bashkë me emrin e saj që historia e muzikës autoktone do ta shkruajë me shkronja të arta!”, ishin fjalët e saj.